Tuda fatuk subar liman

Sasan motuk ahi inan tolan lakon
laos tamba funu
laos mos tamba loro sae loro monu

ema kbeet laek
lalika tanis
lalika tuda malu
tamba domin ema boot, fahe ba ema boot
tamba o mak sira nia restu

haksesuk malu hodi kbeet laek nia naran
koalia hanesan ema kbeet laek
han hodi kbeet laek nia serwisu
hemu hodi kbeet laek nia kosar
haris hodi kbeet laek nia ran

hatudu liman, dun malu
tuda fatuk subar liman
sala laek boot sei lasala

hakribi ba malisan ida ne’e
lalika hakribi malu
hakribi ba hahalok
hakribi ba o nia hahalok


10 October 2006
Cristo