Badinas ou Baruk

Servisu ou lalika
Badinas ou baruk
Hakarak ou lakohi
To fulan hotu osan nafatin deit
Serbisu barak, ou serbisu liu oras
Osan nafatin deit

Uummmm...sidonio tansa mak tegki badinas?
O serbisu tinan barak
Hau foin tama serbisu
O halo barak
Hau halo labarak

Ummm,, fulan to simu osan hanesan nafatin

Ehhh tansa tegki badinas?
Baruk?
Problema saida?

10/4/07
Cristo

ELeisaun

ELeisaun

Tempu elesaun
Tempu fan aimorok
Koalia barak-barak
Rejultadu letra zero

Tempu eleisaun
Symbol partidu, bandeira, fotografia,
Leu-leu, rebo-rebo, talin-talin

Tempu eleisaun
Wow .. koalia rebo-rebo
hanesan kuda talin rebo-rebo
Promete rebo-rebo
Klalaok kleuk rebo ba mai

Hi belun asuwain Timor oan
Tempu too ona ita hakilar
Hodi dadolin no tebe hateten
“lae,,lae...lae..Para ho buat bosok!

Unidadi mak ita nia bitiboot
Ita rain ita ukun
Halokon esplorasaun agora kedas


Dili, 10/4/07
Cristo

Fahe ita domin

Hau nia lalatak
Mak onia mehi
waihira ita hasorumalu
o hare hau hanesan te’e

hau la sente o nia domin
o nia domin hanesan beneno

o nia lalatak iha hau nia mehi
hau tauk, hau hakfodak, hau hakilar

wainhira o besik hau
hanesan aitarak sona borus hau fuan
hanesan loro sunumotuk hau kakorok

hases hau a’n tamba o hakribi hau
hases koko haluha o nia oin
hases hakerek aiknanoin
aiknanoik sulin hanesan mota
sulin tun hodi fahe ita domin


9/4/07
Crito

Haklaken ba Tinan moris nian

Loron 3 fulan Abril fila hikas
hanoin ba memori loron moris
akontesementu ba ema neb mak senti iha loron ne’e

Loron 3 fulan Abril
Loron barak no fulan barak iha inan nia kanotak
hanesan loron, fulan, tinan, lao ho oras

Loron 3 fulan Abril
ne’e mak loron memoria ba Tereza
loron kosok aon mai iha mundu

ne’e mak misteiru ida nebe nugka lakon
iha tempu lakontenti...
iha tempu dulur ho familia ..
iha tempu hasoru malu ...
no mos iha tempu nebe atu hein domin ...

Loron 3 fulan Abril iha simbol prefeitu dura tinan-tinan
iha tempu fo’o..
iha tempu simu ...
iha tempu ispera ...

Mai ita hananu
happy birthday to you 2xhappy birthday 2x happy birthday to you...
2April 2007;
By: Cristo

(Aiknanoik n'e didika ba Atai (Tereza Alves) nebe halo nia tinan iha lorn 3 Abril 07 ba 26)

Knanoik sona borus hau sorin

Wow Belun ita knanoik sona borus hau sorin.
Knanoik nebe sulin hanesan mota oan,
tula sorumalu sai mota inan
nebe sulin boot to sai tasi.

Hau atu buka lian terik nebe atu sata terik mota oan
hau atu buka knanoik terik atu taterik netik bee inan
maibe hau atan koko tau terik hetan fukun oin oin
nebe teri dalan
so hau belun ho hau mak bele terik fukun hirak ne;e
so hau belun no hau bele kore fukun oan sira no halolo halo loos.
so atan hau ho belun mak bele halolo.
setan mak bele kore fukun ne'e halolon tuir hau ho hau belun?

Cristo 8/9/06

UKUN Rasik A’an II

75….99 ababu metan taka falun TL
75….99 oan Timor halerik lun turu
75….99 funu maluk funu soru
75….99 hakilar bolu, asu halerik

loro matan sae soru
sae soru aviau liras naruk
moluk loron habelar a’as
habelar soru oan Timor sela kuda
loron matan monu kraik
monu soru oan Timor monu naklekar

fulan leno rai nakukun
leno dalan oan Timor buka dalan
fitun naroman kibi-kibi
kibi-kibi naroman ba kalan

Berliku haksimuk tada raihun mutin
Haksimuk teni naroman atu mosu
molok naroman atu nakmosu
oan timor loke matan manu kokorek

Manu aman kokorek, tada ba raihusar no rai ulun
nakukun nakle'es, fila ba naroman
Naroman tada sela kuda
selarasik kuda uman, oan timor kaer rasik kuda talin
sela sala sela kuda, kuidadu ema seluk maka sae.

Febreiru 2006
Cristo

Saida mak Ukun A’an?

wainhira besikroat hakroat nia tutun
nebe ubriga atu luta ba justisa
saida mak ukun a’an?

hakilar no luta ba rai no povu
nebe hametin ho unidade, laos hafahe
Saida mak ukun a’an?

ukun a'an
lori terus no mate mak sosa
hodi ran mak hakerek
hakerek ba ema no rai idane’e
istoria luta ba ukun rasik a’an
nebe falun hela iha istoria rai ida ne’e

agora ukun rasik a’an
O hakilar lian murak
hakilar tuba ba rai nebe mak o luta
o lahatena saida mak ukun rasik a’an
karik ema mak kili o?

agora se mak ukun a’an?
ukun a’an mak nebe?
ou ema seluk mak ukun o?

21/8/06
Cristo

UKUN Rasik A’an

75….99 ababu metan taka falun TL
75….99 oan Timor halerik lun turu
75….99 funu maluk funu soru
75….99 hakilar bolu, asu halerik

loro matan sae soru
sae soru aviau liras naruk
moluk loron habelar a’as
habelar soru oan Timor buka subar
loron matan monu kraik
monu soru oan Timor monu naklekar

fulan leno rai nakukun
leno dalan oan Timor buka dalan
fitun naroman kibi-kibi
kibi-kibi naroman ba kalan

manu kokore’ek tada raihun mutin
tada teni naroman atu mosu
molok loro atu naroman
naroman nakloke, ukun rasik a’an

Febreiru 2006
Cristo

Tuda fatuk subar liman

Sasan motuk ahi inan tolan lakon
laos tamba funu
laos mos tamba loro sae loro monu

ema kbeet laek
lalika tanis
lalika tuda malu
tamba domin ema boot, fahe ba ema boot
tamba o mak sira nia restu

haksesuk malu hodi kbeet laek nia naran
koalia hanesan ema kbeet laek
han hodi kbeet laek nia serwisu
hemu hodi kbeet laek nia kosar
haris hodi kbeet laek nia ran

hatudu liman, dun malu
tuda fatuk subar liman
sala laek boot sei lasala

hakribi ba malisan ida ne’e
lalika hakribi malu
hakribi ba hahalok
hakribi ba o nia hahalok


10 October 2006
Cristo

Tansa ita lakon hanoin diak?

Hau resposta!!!!
Tamba ita hakarak lalehan maibe, susar atu hetan
Ita lahatene tamba sa mak ita moris
Ita lahatene a’an rasik nebe sai hanesan bola tebe ba mai
Tamba ita la respeita a’an to ita ohofali malu

Hau lakohi atu hatan ba hahalok a’at hirak ne’e
Hau hakribi hau nia a’an rasik
Hau muta wainhira, ita ema nungka halo diak ba malu.

Laiha taumatan
Tamba Laiha TV
Tamba Laiha osan
Tamba Laiha hahan
Tamba Laiha modo
Ita lakon hanoin

Ema matenek nain sira ba hotu nebe?
Ema nebe hodi povu nia naran ba hotu nebe?
Ema nebe uja povu nia osan agora iha nebe?


Dili Juni 06
Crist

Tada soru ba rotan biti ulun

Buibere ....
liurai ulun boot..hakses a’an ona
Nia ukun fan lafolin
fatin harahun husi matawen no hakilar

Buibera ......
Liurai sokar lia, lei tada nia
Tada soru ba rotan biti ulun
simu soru dadalian talin lakotu

Saida mak bele suli soru, suli teni?
Tamba lian talin biala hakerek ona
Kerek ba futuru moris no istoria
kerek ba futuru rai no ema
Nebe’e teni, ema halo istoria iha rai ne’e.

9/08/06
Cristo

Hodi ran mak hakerek

Hodi ran mak hakerek

wainhira besikroat hakroat nia tutun
nebe ubriga atu luta ba justisa
saida mak ukun a’an?

hakilar no luta ba rai no povu
nebe hametin ho unidade, laos hafahe
Saida mak ukun a’an?

ukun a'an
terus no mate mak sosa
hodi ran mak hakerek
hakerek kona ba ema no rai idane’e
istoria ruin no isin mate lekar ba mai
nebe falun hela iha istoria lulik ukun rasik a’an

ukun rasik a’an
lian murak
hakilar tuba ba rai
o lahatena saida mak ukun rasik a’an
karik ema mak kili o?

agora se mak ukun a’an?
ukun a’an mak nebe?
ou ema seluk mak ukun o?

21/8/06
Cristo

RIOT SILLY NATION

Oh, o o mak istraga buat hotu…
O se mak o?
O nia ukun, ukun ho haterus!
O nia ukun, ukun ho haketak ema!

Oh, o o mak istraga buat hotu…
Iha rai lulik ida ne'e, milagre mosu oin-oin
halo ema mate no oho malu

Iha rai lulik ida ne'e, nakfilak be'e sai ba tua uvas
Be'e ho tua kahur ran no matewen

Agora foin basa ren
Ran fakar, fakar husi maun alin, alin maun
Destinu ema mak hakotu?
Tan dibu nia ukun barbarian

Oh, liurai diabu nia liurai
Beioan Rai ida ne'e, oho haketak malu
Ne mak bolu malisan? Ne mak kastigu?

Ba rai lulik......matebian..... no lulik sira hotu
Ami hakraik a'an tuku tur simu sala
Sala husi ema ida nia sala
Tan ami haluha haloot lulik iha lulik nia fatin
Ami hakraik a'an tukutur simu sala
Ami hakraik a'an tukutur simu malu, maybe laos Rekonsiliasaun
Ami hakraik a'an tuku tur perdua malu tamba ami laos ema dehan RIOT SILLY
NATION

Lae…lae…lae….laos haketak malu
mesak feton nian deit nan nia deit

Dili, 17/8/06
Cristo

Nonok ita bosok Povu

I. Forsa laek disikat
Semak teri netik, di tendang

Krisis, cry, crazy?
Labele hakfodak karena udah dia atur
Lalika tauk, tamba sei sai nune duni

Labele halerik, tamba sira sei hamnasa
Pokonya yes..yes...yes...
Yang penting bapak senang....povu di tendang...parlemen tenang


II. No man !..no Man ! that’s crazy.
Hahahahahah…lalalalallalal
Matilah kau!..matilah kau! Nemak fasematan.


III. Kanta: No woman no cry……………….


IV. Koalia larona, lalika kanta
Hakarak halo mesak
Ne mak hau dehan wainhira Pemilu hili hau
Kwandu hili mak hau prontu fo karau hiradeit mak imi hakarak.


V. Susssssssstttttt nonok ita bosok povu
Wainhira sira hili ita, depois ita tebe sira
Viva..viva..viva Timor…Viva Timor Leste viva ba hau


VI. Wow kuidadu..hati-hatilah kau...lia fuan dadolin iha leten ne'e lalos
lia fuan fan aimoruk, ema dehan "Jual obat" se lae imi sai ayam potong

Rona mai..........!!!!

Ita hare..ita rona, ita kaer ho liman no ita mak sai vitima
Boot sira mak futu manu futu,
Boot sira mak kesi manu tara,
Boot sira mak sei han manu mate

Manu mate mak, manu tebe la ho oras
Manu mate mak povu kraik.
Povu mak mate le’et.
Para..para ohomalu, Para tuda malu!!!!
Hakaok malu dulur malu
Mesak feton nian deit nan nian deit.



Cristo
Dili, 10 October 2006

Hatan ho nonok

iha nonok nebe besik to nanal tutun
hetan lian nebe mak seidauk rona
iha ita nia sorumalu liu ba
iha ita nia sorumalu liu ba

maske hau fiar katak o hatene saida mak nonok
nebe kesi hau nia nanal atu book labook an 2x

maybe o hatan hau nia husu ho o nia nonok
halo hau hein to dukur nakorong

karik hau tenki hatene saida mak o nia nonok?
hodi tuir kibi-kibi oras tuir menutu
lao..lao to ba fatin nebe o nia liman hatudu

to fatin nebe mak hau hetan hatan
hatan husi o nia nonok
nonok nebe hau tegki lao hanesan tua lanu

hasoru hatan nebe laiha lian
nebe hetan deit nonok…nonok…nonok
nebe hetan deit nonok…nonok…nonok
nebe hetan deit nonok…nonok…nonok


Dili 23.3.07
Crist

Soran Railulik nia oan

se mak O

Agora o hari fatuk paz iha mundu ne’e
Fatuk paz nebe hari iha rai dodok
Fatuk Domin nebe hari iha matewen

Iha o rain..Timor
Iha Rain nebe hari ho mate
dadalian bosok no hatete istoria falsu
ba istoria terus nebe hari tinan hirak liu ba

Maibe o sempre fo malisan ba halerik hirak ne’e
Malisan nebe monu hanesan fatuk rahun
Iha ema sira nia hirus no lagosta

O ...o oooo dunik
halo terus ba ema
fahe rai lulik ne nia oan
Iha ema sira nia terus no la forsa
Iha matebian sira nia mate, no matawen

hodi forsa ubriga lia o lo’os
Nebe hatur iha ahi nia leten
soran railulik nia oan
Iha politika be foer nebe sulin latuir mota dalan
Halo be merak Sobu istraga railulik no ema lulik
Povu ne’e lulik, rai ne’e lulik, isoria ne’e lulik, funu ne’e lulik.

se’e mak O?
se'e mak O?


Dili, 9/8/06
Cristo

Mundu ne’e katuas ona

Mundu labele ona fo kuntenti ba ema.
Mundu estragus ema umanu.
Ita hare husi Timor to raiseluk-seluk.
Ema oho malu……… ema tiru malu...................
ema sunu malu................ ema hatun bombardeya............
ema hadaumalu........ to istragus feto, labari, katuas, ferik.

Ne realidade umanu iha sekula gombalizasaun.

Deklarasaun universal UNO lakon esperansa
Deklarasaun nebe dehan dereitu ema nian sai importante ba umanu
Deklarasaun nebe lakon nia sintidu, no kuntiudu.

Reseita moris diak no hakmatek lakon nia sintidu,
Globalizasaun neo liberal lakon forsa momentu idane’e
Reliziaun, reza loron to kalan lakon nia forsa
Realidade mosu iha emaidak-idak nia helafain
Realidade sai faktores determinate moris umanu iha mundu


Cristo
8/8/06

BELUN

Belun
Ita domin, ita rain, rain timor
Ita moris, buka moris, moris hamutuk
Iss boot sae foho, tun foho hakur fehan

Belun
Mai hamutuk, hamutuk hawelok
Look koba ba malu
Haliban ita dadolin
Dadolin hamutuk iha fehan
Hodi tebe likurai, rai nain

Belun
Mait ita tebe ho dadolin
Atu hases aan husi diabu nia ukun
Ba futuru moris paz no dame

Belun
Mai ita hare hahalok lilin lakan
Lakan ba moris no leno dalan
Dalan moris dalan dame

Belun
Moris laos atu ke’e raikoak ba a’an
Moris tengki hawelok no sadia maris


Dili, 6 Des 06
Cristo

Lasai atan ba Ema ida nia tan

atan ba atan timor sei atan dala idan tan.
male mai susu ita bokur
ita nia boot, susuliman, tur maran-maran
bolu ba lalehan, so mehi deit
bolu ba inferno so imaginasaun deit
karik ita sei atan tan, ba ema ida nia atan

tan sa, tan se tamba sa?
tan sa, tan se, tamba sa?

tan ita nia boot neon tauk, neon keek
balu dehan tan baruk, balu deahan tan beik
su ita lunturu, ita kosar turu

ita mak sobu ita rain, ita mak halakon ita ita riku
todan boot be hanehan, tan ita larona malu
ita sei hakat a'as ho kbeet tebes
nebe ita haluha itania a'an rasik
lasai atan
lasai atan
lasai atan
lasaitan ema ida nia atan.

Dili, 9/6/06
Hakarek: Cristo
Inspirasaun husi puizia F. Borga

Biti lulik, manfatin, bua malus,

Ilas keek nebe naran Timor
Inur nebe ema bolu Timor
Asuain nebe ema bolu Timor
Fununain nebe ema bolu Timor

Hodi loron, no tinan funu soru funu maluk
Hodi mate no terus tane rai lulik Timor
Hodi ran no ruin habokon no sukat rai doben Timor
Hodi naran Timor, funu to raihun mutin

Fulan Maiyu 2006 la ses husi hau nia kakutak
Fulan Maiyu nebe loron halo sai makas
Fulan Maiyu nebe oan timor ohofali malu
Fulan nebe halo ema matawen turuk-turuk

Hau bolu baa hau aman inan, halai buka fatin
Hau bolu baa belun, buka fatin subar dala idatan
Hau halerik ba Railulik Timor husu atu labele ami oho malu
Hau harohan ba matebian, labele fo kastigu mai ami
Hau reja ba Aman maromak tan sa mak husik ami aho malu

Ilas keek nebe hanaran Timor
Ilas nebe oan Timor lakohi rona malu
Ilas nebe halo ema buka riku no dukur atu hader
Ilas nebe sai fatin ba ema ran a’at atu sokar lia

Ilas kieek Rai Lulik Timor
Ba to bain hira, mak oan Timor bele dulur malu?
Ba to bain hira mak oan Timor tur mutuk iha biti lulik?
Ba to bainhira mak oan Timor mama mutuk manfatin ida?
Ba to bainhira mak oan Timor hakoak malu no simu malu?

Maromak, Biti lulik, manfatin, bua malus,
railulik, uma lulik, foho lulik, no liurai rai nian
fatuklulik, matebian, kablake ramelau
ami husu perdua karik ami haluha imi
Ami husu perdua karik ami nugka temi imi nia naran
Ami husu perdua karik ami nungka rekonyese imi
Ami husu perdua…perdua…perdua……..

Cristo
Dili, 9/6/06

Laiha rai fatin ba Loron hela atu sae I

Hau belun
Tenik bah hau Fatin Loron-sae iha nebe?
Tenik bah hau Fatin Loron-monu iha nebe?
Loron ba Rai – Rai ba Loron
Laiha Loron monutun ba Rai
Laiha rai fatin ba Loron hela atu sae

Loron sae-Loron monu laiha nia sentidu.
Loron sae- Loron monu, rain nia naran Timor
Dehan ba Jaku, habesik an ba Tutuala,
Dehan ba atauru hakbesik a’an ba dili
tutan malu to Oekusi. Fatin helafatin Loron iha nebe?

Tatamalu hanesan asu tata malu,
Nakeren malu, haksiak siak,
Hafuhu malu hanesan busa hafuhu laho
Tan lia fuan laek ida nebe laiha sentidu

Soran ba soran mai, tan liafuan laek ida
Soran ba soran mai, soran lia, lia laek
Soran ba soran mai, soran ema ho lian laek
Soran ba soran mai, lian laek soran ema

Cristo
Dili Sept 06

Laiha rai fatin ba Loro l’ut a’an (II)

Hau belun
Tenik bah hau Fatin Loro hi’it a’an iha nebe?
Haubelun
Tenik bah hau Fatin Loro hafutar a’an tu’un iha nebe?
Hau belun
Tenik ba hau Loro nia lu’ut fatin iha nebe’e ?

Hau belun
Loro sae-Loron monu laiha nia sentidu.
Loro hi’t a’an sae, Loro hamonu a’an tu’un naran Timor
Tenik ba Jaco, habesik a’an ba Tutuala,
Bolu Atauru hakbesik a’an ba Dili
tutan malu to Oekusi, Fatin lu’ut fatin Loron iha nebe?

Hau belun
Loron ba Rai – Rai ba Loro
Laiha Loron monutun ba Rai
Laiha rai fatin ba Loro hela atu sae
Laiha mos fatin loro atu hela

Belunsira
Tatamalu hanesan asu tata malu,
Nakeren malu, haksiak siak,
Hafuhu malu hanesan busa hafuhu laho

Hau belun
Ramelau Kablake ho Matebian.
Iha tutun foho leten laiha loro hela ba
Aitalik mak nani tuir foho lolon
Fatuk nakletek laletek barak

Hau belun
Mahoben habokon foho a’as foho lulik
Ababu taka falun, malirin haksimuk soru mahoben
Laiha rai fatin ba Loron hela atu sae
Laiha mos fatin ba loro atu lu’ut nia a’an.



21 Sep 2006
Cristo

Kwandu Tigri toba labele book

Rate naklekar ba maiNe’e mak rezultadu funu ba ukun a’an
mate naklekar ba mai
Ne’e mak ema dehan timor oan (laos lorosae loro monu)
Nebe ulun bot soran ba mai
Iha rai lulik ida ne’e, nia futar oin

Ami nia dereitu no dever agora laiha
Ami hafuhu malu, no lao tauk-tauk
Funu maluk fila hikas tinan hirak liu ba
Se mak ita nia funumaluk, agora, ohin, aban?

Loron-loron informasaun haklekar ba mai
Haklekar ba mai iha tilun ba tilun
Haklekar ba mai hanesan aitahan hu ba mai

Se mak kakutak lakateu
Se mak hanoin supermi
Se mak hahalok hanesan tigri
Se mak tigri nebe kamat tata ba mai

Ami sai ona vitima ba ema vitima seluk nia vitima
Ami mos sai krimi ba fali krimi ida nia krimi
Se mak viola dereitu umanus?
Se ma halo krimi?

Konstitusaun halo ona
Regulamentu halo ona
Lei diskuti iha parlementu
Maske foti liman ba mai
Ratifika Dereitu umanus barak-barak
Maibe ami sai ona, ayam potong
Mate, kanek, moras naklekar ba nafatin
Tuda malu, hafuhu malu, hanamalu ba nafatin

Ne mak dehan kwandu Tigri toba labele book?



18/6/06
Cristo

Adeus....adeus......lao ho maromak

Zella...Zella.......3x
Kleur ona mak hau hateten domi ba o
Klaur ona mak hau duni o ho domin
Maibe o nugka atu atu hatene
Hau hatene o halo finzida

Wow....wowowoowoooooowoow

Zela....Zela 2x
Hau hatene o gosta hau
Maske o lahateten
Email no mensagen hau haruka
O nugka atu hatene

Husi o ia lalaok hatundo ona o gosta hau
Tansa mak o nungka atu koalia lalais mai hau

Hau hein nafatin o atu koalaia mai hau
Koalia netik lia fuan domin


Ref: Hau hein nafatin….hau bele halo buat hotu ba o
hau hein no halo tamba hau hatene o mak ema nebe hau gosta

Hau hein... hau hein nafatin o...
Hau hein..hau hein nafatin o...

Zella...Zella......
Maske o ba iskola dook
Maske o nungka atu koalaia domin ba hau
Maske o halo finzi lahatene

Ooooo noi zela o bele ba.. ba..
Hau husik o ba...maske lahateten lia fuan ruma
Hau husik o ba
Hau husik o ba buka matenek,

Zella..Zela.....
Hau nia lian ikus ba o, istuda halo didiak
Timor hein no sei buka ema matenek
Se ita nia destinu hamutuk, ita sei hasoru malu iha loron ida.

Hau nia bezu ba o
Adeus....adeus......lao ho maromak


14 sep 2006-09-14
Cristo


Nb: Puizia ne’e sei halo fali ba muzik.
Hau hakarak didika ba maun Sidonio

Istoria uluk hela ho o

Hau hakarak halai doooook soe tia saida mak hau halo ona
tamba buat hirak ne’e hau senti moras
Hau kole atu halao
laran moras, neon mukit, matan wen suli
todan ne’e mak sempre iha hau kabas
to’o matan wen maran, la turu turu.

se o hatene antes ne’e?
maybe o nungka hatene,
O lakohi atu hatene.
Husik deit hau haloo mesak
hau hatene katak o laos hau nian
Hau Kaman, no latodan atu husik o
agora hau lakohi kona hikas
istoria uluk hela ho o

hau lakohi harefali ba kotuk
halo moras hau fuan
hakanek hau laran
hanesan aitarak kroat sona hau fuan
hau lakohi kanek ba dala idatan.
hau halao moris nebe balu soe hela
maske la hamutuk ho o


11/8/06
Cristo

Hau Belun

Hau Belun
ohin dader rai hun mutin
manu berliku rakilar, manu aman kokorek
atan hau loke matan, hader haksimuk raihunmutin

Mahon be'en oan turuk-turuk
habokon buat ksalak nebe tebar hikas
naben neneik sulin hanesan lilin inan
hatada lian mukit lulik habe’en raan aat

Sei hakotu dunik tuir lisan luluk biti lulik
husi knua oin-oin rai lulik Timor
hanesan manu aman kokorek husi rai ulun
simu soru kokorekfila husi rai ikun
tada ba loron no kalan

Hau belun
loro tada, kalan tada, lulik lisan tada
lian beran sei hakutu duni husi ahi matan boot
ahi matan nebe mak hamanas naksalak sira sai loos
narahun fatuk, no sobu tiha malisan aat nebe leu iha ita ain kloor

hau belun ho hau mak sei harahun



Dili 8.9.06
Cristovao P

Hatudu domin mai hau

Domin ba ema nebe hau hadomi
Loron kalan, hau fo hau nia atensaun
Kalan loron hau tenik tatolin tuir airame
Hanoin mosu husi hau fuan laran

Hafuan taridu, hau laran mukit
Lian tatolin to iha hitin ema nebe hau domin
Lian tatolin husik monu, nugka fo fila
Waihira mak domin, ami bele saifunan

Hau hein, resposta husi hau lian beran
Hau nugka hetan hatan
Puisia hau halo
Kanta hau fo
Pulsa be hau hato
Lian beran be hau tatoli

Karik hau ema bulak?
Karik tamba hau beik?
Karik hau ubriga domin ba ema nebe laiha domin?
Surat hau hato?
Liafuan hau tatoli?

Maybe to agora, hau nungka hetan domin
Buka besik, dok hases, tamba karik hau bulak

Koko atu haluha
Lalatak baku tesik

Lalika koko hau, tamba hau hadomi o
Hatudu domin lolos mai


Dili, june 10 2006
Cristo

(Nb: Puisia ne’e hau halo ba Kolega Sidonio, tamba nia cuhat mai hau kona ba nia domin)

Fakar iha abut Dikin Buras

(Fakar) iha abut dikin buras
Sanak tula ba ramelau, nani ba kablake hakletek ba matebian
Hateke ba tasi feto, lalatak baku ba tasi mane

Oequsse to Tutuala
Kablake ramelau matebian
Morten kaibauk belak no mamafatin
Hussar talin ida luut toba bote kaut ida

Hamanas iha dikin abut soe ba mai
Abut ho dikin fo aihan ba isin
Maske Ramun soe ba mai hun idadeit

Fui iha abut dikin buras
Hamanas iha dikin abut soe ba mai
Abut hametin hun, dikin fo mahon ba isin
Fo bukur barai, haforsa abut,
Iha hun idadeit.


Dili 5 Sep 06
Cristovao P

Labele tanis tamba Domin

fulan la naroman bebeik no kabuar bebeik
dalaruma lakon naroman, mos dalaruma nia sai belar ke’ek
Fulan mos dalaruma laiha naroman mos nakukun

hanesan fulan
Domin mos nakonu turu-turu
dalaruma hamnasa, mos dalaruma moras
iha tempu fo, mos iha tempu lunturu
iha ema mos lakohi hatene saida mak domin
iha ema mos halakon sintimentu domin
tamba tauk moras domin nian
hafoin moris deit ho nia vida
seluk buka domin
maibe dalan domin nian nakukun tomak
ba nia domin mak aimoruk
bele kuratibu moras hotu-hotu

sira seluk..............
ema nebe mak hetan naroman tamba domin, ne’e mak felis
moris ho kor barak-barak
labele tanis ba ema nebe lafo domin
labele tauk buka domin wainhira domin la mai mesak
labele hein…labele tanis…labele suspira……
iha nebe mak o nia sama fatin neba onia domin iha ba’a.

Crist: Dili 7/9/06,

Nb: Puizia ne’e halo ba maun Sidonio

Coretan perpisahan

Aku bertanya kemana akan engkau pergi?
Aku tak sangka hingga detik ini engkau memutuskan untuk pergi

Tuk sebuah pertemuan yang penuh dengan cinta
Tuk sebuah pertemuan yang penuh dengan persahabatan
Mengalir bagaikan air, Turun dari mata air
Hingga ke muara akhirnya ke laut.

Kenangan demi kenangan telah terlukiskan di benak ku
Cobaan dan rintangan telah di lalui bersama
Detik ke jam, jam ke hari, hari menjadi waktu
Hari ini engkau berpisah, maski perpisahan lewat pesta sederhana

Aku tak sangup mengutarakan sepatah kata cinta
Aku tak sangup menyanyikan lagu « sayo nara »
Aku tak sangup mengucapakan terima kasih untuk perjalan kembali
Hanya aku mebacakan untaiyan puisi sederhanaku hari ini untuk, Kerry dan Katca

Goresan terakhir dari saya, berupa coretan perpisahan
« bukan kepergian yang kutangisi, namun coretan perpisahanlah yang ku sesali »


Dili, 4/4/07
Cristo

Nb: Puisi ini untuk kolega di Human Right Kerry dan Kathca.

CHEGA

“Chega!”…“Chega!”…
“Chega!”…
Demikian suara merdu berkali kali disuarakan

Merduanya kata chega bukan karena sedekah
Merdunya kata chega bukan karena lagi-lagi
Merdunya kata chega bukan karena mengaduh
Merdunya katak chega bukan karena arimata

Bukan...
Bukan.....bukan karena itu
Bukan karena chega

Demikian si ibu tua, kulit berbalut tulang
Napas terseok-seok karena dia harus berbating tulan
Melewati sel sempit berbesi jeruji
Tak tahu malam, tak tahu siang
Siang dan malam baginya sama

Saat itu aku harus berteriak
Berteriak…berteriak aaaaaaaaaaaaaaaaaaaachh
Karena tak sanggup aku menatapinya

Ahhh si bangkai tua yang kebetulan satu cel berdampingan
Meratap di depan pintu cel, tertuju matanya pada ku
Demikan dia berkata “Chega!”...”Chega!”...”Chega!”

Saat aku harus betanya pada ibu tua itu
Apa itu chega? Di menoleh dan berkata
Berhenti teriakinya nak....anda lah harapan rakyatmu

Hingga hari ini, ku tak jumpa lagi
Jika kutemui nenek itu
Kan kutanyai padanya “Chega” yang dimaksudkan apa?

Dili Maret 07
Crist

Kejadian di SGI Kolmera Dili, Nop 1991

NB: Bagi pribadiku, Hinga hari ini pun belum ada jawaban pasti untuk ku, walaupun Kata ini diambil dari judul laporan sebuah NGO yang mengungkapkan pelanggaran Ham yang terjadi di Timor Leste. Apakah dengan berkata Chega semua akan berhenti dengan sendirinya tampa melalui Justice?

Dereitu Ema nian

Imi hatudu bebeik iminia hirus
Iha rai nebe ita hotu nian
hafoin hafakar ran no habokon rai ida ne’e
Iha ema nebe mak laos o hamoris

Agora imi koalia damen
Agora imi koalia paz
Agora imi kolaia Dereitus Umanus
imi koalia no hemu tintu iha matebian sira nia mate
imi koalia no han bifi iha ema ke’ek nia terus, susar.

Imi kanta kantiku no tau kantiga dehan imi bele
Imi hakerek lei no ukun ho tinta ran nian
lei no ukun nebe hadi rota no kilat

Railulik ne’e sei lasimu o nia ukun
O nia ukun mak sai istoria barbarian
O nia ukun mak sai istoria violensia
O nia kan mak halo povu sai terus
O nia ukun mak viala Dereitus Umanus

...hein....hare...rona...no.....sinti
Povu sei hari istoria foun
Povu sei la tuku tur ba ukun befoer
nebe’e O halo ema terus no mate
Povu sei hakerek istoria foun, …
Istoria sei hakerek ho aiben murak mean
Hakerek iha belak nia isin lolon
Sei hakerek konaba Dereitus ema nian.



Dili, 10/8/06
Cristo

Mean, Kinur, Metan ho Fitun (II)

75….99 ababu metan taka falun rai
75….99 oan Timor halerik lun turu
75….99 funu maluk funu soran
75….99 hakilar bolu, asu halerik

Mean, Kinur, Metan ho Fitun
nokloke naksimuk loro matan sae soru
moluk loron habelar a’as
habelar soru oan Timor sela kuda
loron matan monu kraik
monu soru oan Timor monu naklekar

Mean, Kinur, Metan ho Fitun
leno dalan oan Timor buka dalan
fitun naroman kibi-kibi
kibi-kibi naroman ba kalan

Mean, Kinur, Metan ho Fitun
Haksimuk teni naroman atu mosu
Berliku haksimuk tada raihun mutin
oan timor loke matan manu kokorek

Mean, Kinur, Metan ho Fitun
tada ba raihusar, rai ulun rai ikun tada soru
Manu aman kokorek, hakilar naroman
Naroman tada oan timor sela kuda
Sela sala sela kuda ema seluk maka sae



10 Sep 2006
Cristo

Molok berliku Rakilar

Ahi suar semo sae
Ahi ina semo sunu

Ina halerik tanis mata wen
Oan halerik hodi husu

Halai hases isin lolon
soru ses ahi inan nanal
Hakilar lian kotu-kotu
manas hamaran hau kakorok


isin nakdedar, manas kosar kahur ba mai
Ahi ina tolan, muta sai akudesan
Loron manas anin hu lakon ida ida


Ahi inan sunu motuk
Sunu suar tada ba ema hotu
Bolu-bolu, nai lahatan
Bolu-bolu, ida la hatilun

Ahi suar falun hau isin
Ahi manas hamotuk hau kosar
Matan wen maran mesak-mesak
Hakilar kbit laek
Bolu lian laek
Lao forsa laek

Hau mak se’e?
HA’U MAI HOSI NE’EBÉ,
ORAS NE’E HA’U IHA NE’EBÉ,
NO HA’U ATU HAKAT BA LOOS NE’EBÉ?”
Lakon..lakon...lakon
Molok berliku rakilar
Mahon Be’en baku turuk, halokon fatin



Dili, 31 Agustus 2006
Cristo

RETRATU FULAN ABRIL 2

Dadolin ne’e husi abe iha dia 4/4/07 wainhira nia halo viajen ba Manatuto, hakerek tuir mai ne’e
“Ha'u hakarak fahe oleh-oleh ida ne'ebe ha'u lori hosi ha'u-nia viajen ba Manatuto horiseik. Maka ne'e”
-----------------------


Foho Subaun Boot matak ho duut iha nia lolon sira
Lolo nia ain naruk ba tasi ibun ne'ebe klean.
Laloran baku ba ninin, basa fatuk ba'e sira

Tasi been, azul furak

Atauro, Wetar no Kisar
hosi dook hateke

loro matan manas, nabilan
rei no lambe

tasi furin


Kmanek,
ABE

Subaun

((Puizia ne'e, hatan ba Puizia maun Abe nia hanesan bukae ida, wainhira nia fila husi viajen ba Manatuto nia fo prezenti Puizia ida ho titulu "Retratu Fulan Abril2" bele le'e iha okos))

Abe nia Puizia:
RETRATU FULAN ABRIL 2

Foho Subaun Boot matak ho duut iha nia lolon sira
Lolo nia ain naruk ba tasi ibun ne'ebe klean.
Laloran baku ba ninin, basa fatuk ba'e sira

Tasi been, azul furak

Atauro, Wetar no Kisar
hosi dook hateke

loro matan manas, nabilan
rei no lambe

tasi furin


Kmanek,
ABE
------------------------------------

Crist nia Puizia hatan ba Abe nian bukae:

SUBAUN
O la Mau Abe Aiknanoin ida nebe sona hau sorin.
Aknonik nebe mosu hanesan murak rai
lao dalas-dalas, wain hira lao hodi nia murak
nakleuk tuir nia dalan, wainhira koko atu bukan fatin

O la Abe...
Subaun...Fatin nebe lulik
Subaun mak fatin sasin ba naroman nian
Subaun mos fatin ba sasin nakukun nian

Tasi lian tarutu, haksimuk hasoru ho anin
rona kois hanesan dadolin tebe likurai
hamrik iha nia lolon heteke ba inur Atauro, weter, kisar no inur oan seluk

Subaun nia lolon susar atu hakletek
be'e no tasi, fatuk no rai, dut no nain sira seluk iha fatin neba
sira hotu mak sai knua ida luut mutuk ho subaun

minutu ba oras, aras ba loron, loron ba kalan, ba tempu ho nia tempu
subaun naran nafatin Subaun
hakletek ou lao, fila ba mai temi nia naran Subaun.

Abe...iha loron ida hau liu husi Subaun
wainhira atu liu ba, hau temi ne' mak subaun.

Teki-teki anin baku basuk liu husi hau sorin
hau hakfodak, hateke tuir, anin alin liu hateke lahetan
laiha buat ida mak hau teni ba subaun, so deit hau hateten
subaun..subaun...ita Lulik, falun hau to iha hau fatin.

Adeus

4/4/07
Crist

Tamba ita fukun ida

Hau belun, hau maun
anin alin baku basuk liu husi ita sorin
hakfodak tauk, hare lalatak ahi sunumotuk
ahi lulik run mos aitarak kroat
hau belun mak lao liu ba

hau belun hau maun
keta lao nonok, ita kalamar ita isin
tebe hananuk, dere o Lakadou
kananu tau kantiga tebe ho anin alin

hau belun hau maun
ita rain ita klamar
rai lulik, ema lulik
anin alin baku basuk,
hamorin iss
warik sira sei latanis teni
ita iss sei la ba'a, tamba ita fukun ida


Cristo
8/9/06