Fahemalu dahuluk iha ita nia fahemalu

Fahemalu dahuluk iha ita nia fahemalu

Minutu ho tempu maidadauk ona
ba ainfatin atu hakat nebe haketak
haketak ita nebe iha HRU
lao ho memoria servisu nebe kapas
to iha menutu atu haketak malu

Wainhira mahoben sei habokon aitahan
wainhira ita lut mutuk iha bote Dereitu Umanus
so deit bele hanoin ba oin, oinsa luta ba ema-nia dereitus

Maske ho matan be’e turuk
iha ne’e iha fatin nebe agora ita lu't mutuk
hakerek memoria DH nebe lalakon
hodi fuan nebe dedika no servi ba mukit

Ho aiknanoik laek ida ne’e
fui arte iha surat tahan nebe lafolin
iha puizia hau koko husu ba ahimatan mudu ne’e
hau atu ba nebe?

Ahi matan mundu ne’e hatan ho nonok....

Hau koko para hakerek
maibe liman lakohi para
book aan hanesan atu dansa
hakerek buat ida, hakerek sulin hanesan mota oan

Memoria ita nian lao liu no atu lakon
iha tempu no oras nebe lao nafatin
se bele sai nafatin aiknanoik ba hau

Iha tempu nebe hau hases imi
iha mos tempu husik hela imi iha ne’e ita fatin, HRU
iha ne’e ita nia fahemalu sei akontese
fahemalu laos ikus iha ita nia moris
fahemalu dahuluk iha ita nia fahemalu

Kolega sira….haksimuk no simu ba wainhira o loron hit nia a'an
karik ita sei soru malu fali
soru malu iha tempu, situasaun lahanesan
soru malu iha fatin, no iha rai ne’e, rai nebe hanesan

Adeus kolega sira...
hakruk nu tukur tur ba imi ain, karik hau salaruma hasoru imi.


Crist; 1/3/09