Kokorek..kokorek..kokorek

Kokorek..kokorek...kokorek

Manu aman kokorek iha kalan nebe nonok
Kokorek haksumik bolu malu
Kokorek laos tada raihun mutin
Manu aman kokorek iha nakun nia kalan

Hatur lilin naroman iha nakukun laran
Hare nakukun tada ba kalan minote
Nakukun ho nia nonok rona manu aman kokorek bolu malu
Nakukun lakoi dukur, fuan taridu

Manu aman naksumik ho lian lotuk
Anin hodi lian fa ba mai
Rai nonok iha kalan, rona saida tan mak atu mosu
Abo ida soe aknanoi, ”kokorek tada dame sei ho ran”

Kokorek..kokorek...
Nakukun lao nafatin atu nakfilak a'an
Berliku lian, mahoben habokon, manu aman haksiak kokorek
Kokorek ba ikus nakukun filak ba raihun mutin

Manu aman kokorek iha nakukun nia kalan
Kokorek soe hela laran taridu no nakdedar
Laiha sasin husi nia tansa mak kokorek
Laiha sasin ba futuru,
laiha mos sasin ba ema lulik rai ne’e nia bei'oan

Lisensa rai... kokorek husu lu'ut ami a'an ba o raihusar
Lisenda rai... kokorek husu hafalun ami ba iha o hitin


1/3/09
Cristo