B
Brasil, 8 Julho 2012
Crist
PUIZIA
.bmp)
- Buamalus
- Iha Bloger ida ne'e hau hatama Puizia. Puizia hirak ne'e, hau seidauk edit, neduni lia fuan balu presija atu hadian, wainhira le'e mak hetan sala hakerek, ne'e signifika katak presija atu hadia tan.
6 comments:
Sidade Dili 2012
Tasi-been haboko rai-henek mutin
Laloran lian furak hafunan tasi
Halo trosa ba ó sidade Dili
Subar-an iha lidun
helik-an iha lidun
rona manu-liin hananu hahi’i an
husi foho-tutun ne’ebé aas
haklalak no haksolok
halo trosa ba ó Dili
subar-an iha lidun
helik-an iha lidun
lian-laek , lian-laek,
lian-laek, lian-laek
Dili ó liman-tanen nakonu osamean
Ó liman-tanen nakonu fatuk-murak
Hakanek no hametan ó
More no lahuk ba nafatin
"Ha’u klamar
Ha’u klamar kole
Hatutan mehi ba oin
hakarak haksaka roman
Semo aas husik hela mundo
nonook Iha kalan nakukun
Dadur-aan hamaluk lalatak
Koko esplika sentidu moris
Iha realidade no mehi nia leet
hakarak halo nakfera lalehan
Ne’ebé helik-an
hakarak toba-dukur
iha fulan nia hiti"
Jemmy betulau 15/ 10/ 2011
Timor 2011
Fulan-lotuk ne’ebé
monu iha uma-jardin mutin
Halo fitun sira
mós nakukun uitoanLa’o nafatin no laiha naroman
Hakat..no hakat nafatin
neineik ba oin
maibé la la hasoru buat ida
Lakon iha dalan naroman
Ha’u ne’ebé mak toba dukur
iha ahi nia liman laran
Hakarak fila falun
o-nia kanek ne’beé mak moras
O nia Mataben lulik
monu iha hau nia liman laran
Maibé la iha kuna
mai ha’u an
Ha’u hato’o ba anin
Ó nia moras
Ha’u hakilar ba lalehan
Ó nia mataben
No la iha lia-hatan ruma husi ne’ebá
Jemmy Betulau / 19/ 07/ 2011
fulan mutin nia oin-midar
(esperansa moris nian)
Bainhira kalan nonook
Hanesan iha esperansa iha ne’ebá
Halakon no kore ha’u an husi ta’uk
Hakmatek…hakmatek
Ha’u monu ba fulan mutin nia oin-midar
buka naroman ruma husi ne’ebá
Dada ha’u ba oin nafatin
perdaun laek, laek no ba nafatin
isin-lolon lakon neineik iha fulan nia hitin
nia liras mutin fekit ha’u-an
fó lia midar mai ha’u
no ikus dudu ha’u-an ba nakukun rohan-laek
ó fulan mutin ne’ebé hamriik metin iha kadunan lahuk
saseon an iha kalan ne’ebé hakmatek
loro matan sei mosu mai ha’u-an
leno nia roman mai ha’u moris
jemmy betulau 15/ 10/ 2011
Hau nia belun Betulau, nia hatama ba lohu mama fatin bua malus ho aiknanoik nebe nia hakerek, atu hariku blog buamalus ida ne. Hau nia belun Betulau, aiknanoik hirak nebe hau le no tau iha buamalus ida hodi lok netik ba ita nia bainaka.
Ba belun Betulau, hakruk no fo onra ba ita nia aknanoik nebe hakonu blog buamalus.
Cristo
Brasilia; 9 Fulan Sia 2012
furak
Post a Comment