7 de Desembro 1975

Ba rai nebe mak ami tukutur
Ba lalehan nebe mak ami hakruk
Hahalok no klalaok mak ami lao liu
Sai istoria ba inur kek husi mudu naran Timor

7 de Desembro 1975
Istoria hakerek ona, husi ran no mate
Husi rai inur kek Timor ne’e nia oan
Lalehan no rai mak sasin ba istoria 7 de Desembro

Ba aman lalehan. metebian rainain umalulik no natureza
Ami bioan husi rai ida ne’e ohin hatur lilin naroman
Naroman ba nakukun nebe mak Timor halerik liuba

Ohin..ohin…7 de desembro
Oras, loron, fulan no tinan
Mahoben dader tun turu hamatak loron ohin

Ba rai no lalehan, atan ami rai ida n’e nia oan
Ohin hakilar, hananu hari domin no hari pas iha rai ida ne’e.


Dili, 2/12/2009
Cristo