Matak malirin falun o toba

Hakletek laletek nakdoras tuir aitalik/ anin oan baku basuk hafera domin/ laloran haksiak anin tasi hafera/ domin lori sentidu fiar nebe lamamuk ho ho esperansa/ nebe ema tada halerik iha fehan soru kalan nakukun/ hateke hetan aifunan rosas funan netik iha raimaran fatuk tamun husi loron makas/ hateke ulun ruin no rate forma husi antigu biala laiha ida mak hamnasa ho hau/ hetan kosok oan ida hamnasa fo domin haksimuk halimar ho ulun ruin/ haksolok ba tamba mateklamar sira sei lahare onia segredu domin/ haksolok ba to manu berliku lian iha dadersan raihun mutin/ mahoben dadersan oan sei habokon domin nebe kuda iha fuan/ domin nebe sei lalakon fo naroman hodi tebe simu ho tebe likurai // Matak malirin falun o toba kalan ne’e, hodi mehi diak fo sorti iha futuru//.

5/4/2010
Crist

KNANANUK PASKUOA

KNANANUK PASKOA, knanananuk laiha lian, knanananuk ba vila laiha ema, knanananuk ba future/ knanananuk paskua halo hau alianadu ba hau a an naksalak/ tilun rona hau nanal koalian, hakfodak tanis no tauk/ knanananuk paskua mak korefukun no todan leu iha hau ain kloor/ Bainhira rona knanananuk paskua hau lalatak lao tuir hau isin/ hau hateke hau lalatak, lalatak hateke hau/ ho knanananuk paskua ami hateke malu,/ hau koko atu kar hau lalatak, nia lakon mesak hanesan kanananuk paskua lian lakon, semo hodi anin laloran tasi.//


2/4/2010
Crist.