DOLAR

Dolar $


$Dolar…$Dolar…$Dolar
O dolar halo ema matan dukur
Matan dukur to dólar
O dólar taka emaboot nia matan
Ema boot dukur to dólar
O dólar sosa kareta
Boot sira sae to dólar

$Dólar..$dolar..$dolar
Dólar husi bolsu ida tama bolsu seluk
O dólar tama bolsu to dólar
Dólar laos labarik Lau dólar atu lao
Dólar mak dólar nebe hola kareta
Amansarani simu dolar to dólar
Oansarani ailebo, ain tanan kiak to dólar
Apa hola kareta to dólar
Oan Povu kiak lao ain to dolar

Dolar o han iha fatin ida te’e iha fatin seluk
Dolar o hemu iha fatin seluk, me’e iha fatin seluk
Dolar o dolar hanesan samea metan
O dolar ba dolar mai
O bosok ami to dolar
Ami hein o to dolar

O dolar lao to dolar haluha rai
O lao soke ba soke mai, soke povu monu kambailota
O sei dolar nafatin
O dolar sei la hamrik
O dolar sei lalakon
O dolar sosa kareta to dolar
O husik povu kiak to dolar
O laos osan dolar
O halo ami terus, tanis, to dolar

Dolar o taka tun taka sae
O taka ema nia matan, taka ema nia tilun, taka ema ibun, taka ema hanoin, taka domin.
Dolar...dolar...dolar....lao nafatin. Lao to dolar.

O sei dolar nafatin
O dolar sei la hamrik
O dolar sei lalakon
O dolar sosa kareta to dolar
O husik povu kiak to dolar
O laos osan dolar
O halo ami terus, tanis, to dolar


Dolar o taka tun taka sae
O taka ema nia matan, taka ema nia tilun, taka ema ibun, taka ema hanoin, taka domin.
Dolar...dolar...dolar....lao nafatin. Lao to dolar.

Makhakerek: Cristo