SEMO ho MEHI

Semo ho mehi

Mesak tur hanoin no mehi
Mehi hikas kalalaok nebe lao hela
Kole no baruk besik hau
Nonok sona tama hau fuan
Mehi nebe laiha nia isin

Hakarak halakon mehi ne’e
Mehi rabat-rabat mai nafatin
Salan nebe mehi kapas
a’at no dois nebe hau senti gostu

Mehi semo to ass ba....
Mehi lakon husi hau...
Mehi dok husi hau neon
Anin dadulas no hu ses mehi ba nia fatin
Ubrigadu menhi o ses husi hau...adeus

Lakohi mehi a’at ba dala ida tan.

BCU 1/3/09
Cristo

Wainhira

Wainhira


la to nia rohan
laiha rohan iha rai ne'e

diak, molek nakfilak no lakon deit

domin nebe o senti lakon mos

hotu-hotu sei lakon tuir tempu nebe lao

tempu nebe'e lao lahetan nia rohan

tempu nebe'e o la lut ho diak

tempu nebe'e soe deit la fo fini

to tempu husu, to iha nebe o haloot no dulur mutuk ho hau?

to nia ka ita rohan foin basa ren...?
tempu lao ba oin no hakfodak duni latoman!!!

wainhira uja tempu o nian?

Bcu, 1/3/09
Cristo

Be'e dolar nakdoras

Be’e dolar nakdoras

Raimaran..sunu dut
Raimaran..ta ai
Raimaran..akudesan
Raimaran..udan lamai

Kalan..loron
Nakukun ..naroman
Fitun .. fulan
Foho no fatuk sira

Be’e dolar nakdoras

Raimaran ..be’e falun
Raimaran.. udan habokon
Raimaran..nakletek tun tetuk

Kalan loron..raimaran bolu udan
Nakukun naroman..rai hakilar fatin laiha
Fitun fulan..bolu aihoris lamoris
Foho no fatuk...nakduir naklekar salin ba mai.

Crist, Bcu 26/2/09

Iha Lalatak

Iha lalatak

Iha lalatak tauk no hirus
Hau hakilar, koalia ladiak
Iha lalatak tauk no hirus
Maske hirus tauk falun hirus

Iha lalatak tauk no hirus
Hirus hare labarik fan sabraka
Iha lalatak tauk no hirus
Labarik laiha domin

Iha lalatak tauk no hirus
Laiha ema tauk laiha ema hirus
Iha lalatak tauk no hirus
Lakon domin aman inan

Iha lalatak tauk no hirus
Labaraik tanis nonok mesak
Iha lalatak tauk no hirus
Nonok mesak tan tauk no hirus

Iha lalatak iha tauk
Iha lalatak iha hirus
Laiha lalatak laiha tauk
Laiha lalatak laiha hirus


Crist, Bcu 26/2/09

Welcome to WordStorm, the NT Writers’ Festival, 2008.

WordStorm, the NT Writers’ Festival, 2008.

kolega sira bele klik iha kraik salah satunya, bele asesu ba festifal nebe TL mos holaparte iha eventu lee puisia no sai panel iha kestau rai no dereitus umanus. Iha tempu neba Grupo "sidauk iha naran" hetan konvida ba festifal wordStorm Darwin.

http://www.ntwriters.com.au/index.php?option=com_content&task=view&id=25&mos_change_template=nt_writers_wordstorm_2006&Itemid=43


http://www.ntwriters.com.au//images/stories//wordstorm08web.pdf

Knanoik sona borus hau sorin

Knanoik sona borus hau sorin


Wow Belun ita knanoik sona borus hau sorin.
Knanoik nebe sulin hanesan mota oan,
tula sorumalu sai mota inan
nebe sulin boot to sai tasi.

Hau atu buka lian terik nebe atu sata terik mota oan
hau atu buka knanoik terik atu taterik netik bee inan
maibe hau atan koko tau terik hetan fukun oin oin
nebe teri dalan

so hau belun ho hau mak bele terik fukun hirak ne;e
so hau belun no hau bele kore fukun oan sira no halolo halo loos.
so atan hau ho belun mak bele halolo.
setan mak bele kore fukun ne'e halolon tuir hau ho hau belun?

Cristo 8/9/06

Hatan ho nonok

Hatan ho nonok

iha nonok nebe besik to nanal tutun
hetan lian nebe mak seidauk rona
iha ita nia sorumalu liu ba
iha ita nia sorumalu liu ba

maske hau fiar katak o hatene saida mak nonok
nebe kesi hau nia nanal atu book labook an 2x

maibe o hatan hau nia husu ho o nia nonok
halo hau hein to dukur nakorong

karik hau tenki hatene saida mak o nia nonok?
hodi tuir kibi-kibi oras tuir minutu
lao..lao to ba fatin nebe o nia liman hatudu

to fatin nebe mak hau hetan hatan
hatan husi o nia nonok
nonok nebe hau tegki lao hanesan tua lanu

hasoru hatan nebe laiha lian
nebe hetan deit nonok…nonok…nonok
nebe hetan deit nonok…nonok…nonok
nebe hetan deit nonok…nonok…nonok


Dili 23.3.07
Crist

O...se mak O

Tan sa?

Iha fatuk paz iha mundu ne’e
Fatuk paz nebe hari iha rai dodok
Fatuk Domin nebe hari iha matewen

Iha o rain..Timor
Iha Rain nebe hari ho mate
O dadalian bosok no hatete istoria falsu
ba istoria terus nebe hari tinan hirak liu ba

tansa iha malisan ba halerik hirak ne’e?
Malisan nebe monu hanesan fatuk rahun
Iha ema sira nia hirus no lagosta

Tansa halo terus hirak ne’e ba ema?
Tansa fahe rai lulik ne nia oan?
Iha ema sira nia terus no la forsa
Iha matebian sira nia mate, no matawen

Hodi forsa haneha lia o lo’os
Nebe hatur iha ahi nia leten
Tansa soran railulik nia oan?
Iha politika be foer nebe sulin latuir mota dalan
Halo be merak Sobu istraga railulik no ema lulik
Povu ne’e lulik, rai ne’e lulik, isoria ne’e lulik, funu ne’e lulik.

Tansa...?
O o see mak O?


Dili, 9/8/06
Cristo

Lalenok mak sei fo sasin

Leba folin..ema lahola..hamlaha, kole no tur diskansa Tur koalia hela tansa mak ita nia sabraka lafolin?
Ida seluk hatan, tamba Sabraka mos exporta husi rai liur...

Tur klur... ida seluk komesa konvida nia kolega atu lao nafatin ba oin...
Aduh..koleh..... laiha dolar ida mak hola, lao todolar..

Se hanesan ne'e ita hamirik lao ona kolega, tur nafain iha ne'e nein dolar ida atu mosu. Ok ...ita hamrik tok lao... Ida seluk dehan ummm hau sei kole...3minut liu..nia hatais nia sinelus atu hamirik..ona.

Ok....se o dehan hanesan ne'e hau mos foti hau nia leba..ita leba folin lao nafatin.......

Ok mak o tuir.....

hau lao uluk ona ......ba oin nafatin, maske hau kole, buka dolar ne'e ita tengki kole ka..selae..dolar tama mesak husi nebe??? Ohin loron n'e ita tengki hatene portuges, kumputador selae labele hetan dolar....

Hei ..o basak ka???...hein hau ita rua lao hamutuk..maske leba lao to dalar..lahetan dolar mos labuat ida...

Ok se hanesan ne'e ita lao ba nafatin....

Ummmm hau kole....kole...hare tok ba oin ...uma mutin barak, ema atu hola ita folin laiha???....

buka dolar to dolar...

biar lalenok mak sei fo sasin

These Foto by: Crist, 10 June 2008

-------------------------------------------------------

Buka dolar to dolar

Leba folin buka dolar

Lao lebo buka dolar to dolar

Dolar liu takamatan

Dolar fihir folin husi rai liur

Leba kole buka fatin tur hananu

Hananu bolu dolar, dolar... dolar....

Bolu hau belun hamrik lao ba oin

Hasoru dolar, dolar lao hakfisik tafoi kaben

Hasoru kole lebo folin ba nafatin

Lao lebo to dolar soru hamlaha

Laiha folin mak dolar mai besik

Leba fila hau folin....tan lao dolar matan dukur

Leba fila hamlaha, dolar, dolar lahetan.

Dolar sosa to dolar, ema folin husi rai liur.

Dolar..dolar..dolar...lao to dolar...buka dolar to dolar.

biar lalenok mak sei fo sasin

Cristo

BCU. 21/2/2009

Orde

pht: Crist

Orde
Orde haruka, takamatan
Orde
Orde duni ema hotu sai husi hela fatin
Orde
Orde dehan halo deit
Orde
Maske oho ema lalika ba justisa

Orde
Kkn buras nafatin
Orde
Orde haruka lakon domin
Orde
Orde haruka ema keek sai vitima
Orde
Orde haruka fila o nia a’an hanesan makina dulas hare
Orde
Orde haruka husi liurai ukun rai hamrok ran.


2/6/07
Crist

Not blamed to any one

Really..
I surprise
I apologize
I did not expect
This is the reality of life

The December 3rd has passed
Remembering the memory of disability
For those who disabled to celebrate the date

3rd of December
Many days and many months celebrate our life
As days, months, and years were running by time

3rd of December
This is the mystery that never vanish
In unpleasant time

In a moment of sharing in the family
In a gathering
And in moment of expecting love

3rd of December
Un loneliness
In a hope
In the future

3rd of December
We are the future, we are hopping
Celebrate the life with equality
We are not blamed any one




By:
Cristovão P.
30/Nop/07

MEHI Iha TIMOR

Mehi..mehi..mehi moris iha Timor
Hanesan lian tenik husi ema ukunnain
Diak, kapas, midar, kuntenti
Tenik to tolan muta hikas saiMehi moris iha Timor
Moris iha rai laos rain rasik
foer laran, nakukun, dalan ibun
tenda plastic, toba ho manas

Mehi iha Timor
Ema dehan Timor rai riku
Ema dehan Timor minarai barak
Mos lia seluk dehan “a minha patria a lingua poruguese”
Ne’e tradus lo’os oinsa?

Mehi iha Timor
moris iha sokar lia
du’un malu
laiha domi
nonok
dukur
tauk
subar
tuda fatuk subar liman

Mehi iha Timor
Hanesan ema nia oan hakiak
Lahatene portuges ne’e beik
Ita rain husi saseluk nia ukun




12/4/07
Cristo

Laran moras

Hau hanoin noi hatene saida mak hau teni
Maybe hau karik sala…
Noi fiar kolega sira nia tatenik kona ba hau
Noi rona ema seluk nia liafuan dehan hau ladiak
Hau laran moras.........

O haluha saida mak ita koalia
O katak hau, lafiar ema seluk
O katak, hau mak uluk no ikus ba o nia hiti
O katak itarua sei hari uma kain ida

Hau laran moras....

Hau hatene saida mak o hateten
Domin ita nia sei to rohan
Maibe hau laran taridu
Hau laran moras.....

Hau labele koalia ona kona ba o
Hau lo kompriende saida mak iha kakutak

Tebes..
Hau hakfodak
Hau arepende
La admira o tengki halo nune

Hau sei la fosala ba o
Ne’e mak o nia moris
Ne’e mak o nia hakarak




Dili 11/4/07
Cristo

Hamaran o matan we’en

Domin hanesan laloran tasi
Baku ba mai, lakleur fila ho nonok
Laloran tasi baku naklekar
Hikis domin kuda iha fuan malirin

Iha tasi ibun hau hein
Hein ho bero nebe liman laiha
Laloran ba mai, baku tuir anin
Doben o iha hau fuan laran
La bele dook husi hau

Domin hanesan tasi laloran baku
Doben keta tanis
Hau lakohi hare o matawen Turuk
Maske kosar Turuk hasoru laloran makas
Ita Hean ita bero tuir anin laloran tasi

Laloran baku tuir anin
Doben hakoak hau
Doben besik mai hau
Hamaran o matawe’en
Ita domin, ita moris, moris tuir ita domin



12/4/07
Cristo